Завершанае расследаванне нападу на ювелірную краму ў Мінску
Фота: sk.gov.by
Завершанае расследаванне крымінальнай справы аб нападзе на ювелірную краму, размешчаную па вуліцы Сурганава ў Мінску. Здарэнне адбылося 16 студзеня сёлета. Трое невядомых у масках зайшлі ў краму, загадалі прадаўцу легчы на падлогу, разбілі вітрыны і скралі 115 ювелірных вырабаў на агульную суму 1,1 млрд рублёў.
Праваахоўнікі змаглі выйсці на след зламыснікаў. Імі аказаліся трое жыхароў Шчучынскага раёна. Высветлілася, што яны працяглы час рыхтаваліся да нападу, шукалі месцы магчымага збыту скрадзенага. На момант затрымання частку ювелірных вырабаў мужчыны паспелі прадаць у Польшчы. Астатнюю частку на суму больш за 800 мільёнаў рублёў знайшлі ў гаражы аднаго з нападнікаў.
Крымінальную справу ў адносінах затрыманых распачалі па артыкуле "разбой, здзейснены з мэтай завалодання маёмасцю ў асабліва буйным памеры" (ч. 3 арт 207 КК). На маёмасць трох жыхароў Шчучынскага раёна наклалі арышт. Крымінальную справу перадаюць у пракуратуру для накіравання ў суд, паведаміў афіцыйны прадстаўнік УСК па г. Мінску Аляксей Клімовіч.