У Мінску ў аўтааварыі з удзелам таксі пацярпеў пенсіянер (фота)

У Мінску ў аўтааварыі пацярпеў пенсіянер. Здарэнне адбылося ў суботу, 4 чэрвеня, на скрыжаванні вуліц Калеснікава і Матусевіча. Там сутыкнуліся "Рэно-Эспейс" і таксі "Рэно-Меган". Першы аўтамабіль адкінула на асвятляльную мачту каля пешаходнага перахода. Як інфармуе агенцтва "Мінск-навіны", кіроўца "Рэно-Эспейс" атрымаў шматлікія траўмы (сярод іх — страсенне галаўнога мозгу, пералом грудзіны), яго шпіталізавалі. ДАІ праводзіць праверку.