У Пружанскім раёне патануў 4-гадовы хлопчык

У Пружанскім раёне ў рацэ Левая Лясная патануў 4-гадовы хлопчык. Гэта здарылася ўвечары 2 чэрвеня. Дзіця пайшло купацца са старэйшымі братамі-падлеткамі — 2004 і 2005 года нараджэння, якія проста яго згубілі.

Калі старэйшыя дзеці вярнуліся дадому без малога, маці забіла трывогу і звярнулася ў міліцыю. Спачатку быў спадзеў, што дзіця проста згубілася і сышло. Аднак раніцай 3 чэрвеня, прыкладна ў 11.00 вадалазы знайшлі цела хлопчыка ў рацэ.

Па факце гібелі дзіця Пружанскі раённы аддзел Следчага камітэта праводзіць праверку.