У Брэсце на пажары ў кватэры ўратавалі 91-гадовую пенсіянерку

Пенсіянерку 1925 года нараджэння ўратавалі ў Брэсце на пажары ў кватэры. Узгаранне адбылося ўвечары 28 траўня ў шматкватэрным доме па праспекце Машэрава.

Як паведамляе прэс-служба Брэсцкага абласнога ўпраўлення МНС, узгаранне адбылося з-за таго, што жанчына пакінула на газавай пліце ежу, а тая загарэлася. Пенсіянерка дастаўленая ў лякарню з атручэннем прадуктамі гарэння.