У Івацэвіцкім раёне перакулілася фура, якой кіраваў п'яны вадзіцель (фота)

У Івацэвіцкім раёне перакулілася фура, якой кіраваў п'яны вадзіцель. Здарэнне адбылося ў панядзелак каля 5-й раніцы на 148-м кіламетры аўтадарогі "Брэст — Мінск — мяжа Расійскай Федэрацыі".

Як інфармуе прэс-служба УДАІ УУС Брэсцкага аблвыканкама, 44-гадовы жыхар Фаніпаля не саўладаў з кіраваннем грузавога аўтамабіля "Мерседэс Бэнц Актрос" з паўпрычэпам-цыстэрнай. І ён апынуўся ў кювеце. Фура атрымала механічныя пашкоджанні. Адзначаецца, што ў мужчыны было 1.4 праміле алкаголя.