У цэнтры Мінска гарэла кавярня (фота, відэа)

Каля 18-й гадзіны 25 сакавіка ў цэнтр аператыўнага ўпраўлення Мінскага гарадскога ўпраўлення МНС паступіла паведамленне пра пажар у кавярні "Тэатра" (вул. Багдановіча, 6). Установа размяшчаецца каля Вялікага тэатра оперы і балету.

Ратавальнікі, якія аператыўна прыбылі на месца выкліку, выявілі, што ў фрыцюрніцы "Занусі" (2002 год выпуску) загарэўся алей. Ад яго пачалі тлець тлушчавыя адкладанні ў вентыляцыйным корабе ў кухні кавярні. Спрацавала аўтаматычная пажарная сігналізацыя.

Ратавальнікам удалося ліквідаваць пажар менш чым за 20 хвілінаў.

Прычынай пажару называецца парушэнне правілаў эксплуатацыі электрасетак і электраабсталявання.