Невядомы ў медыцынскай масцы спрабаваў скрасці грошы з банка ў Мінску
Фота: guvd.gov.by
Невядомы мужчына ў медыцынскай масцы спрабаваў скрасці грошы з касы банка ў сталіцы.
Як паведамляе прэс-афіцэр Партызанскага РУУС Мінска Наталля Ганусевіч, здарэнне адбылося ў першай палове дня 19 красавіка ў аддзяленні №6 Беларускага народнага банка па праспекце Незалежнасці. Мужчына паспрабаваў скрасці грошы з касы банка. Супрацоўнік установы выклікаў міліцыю, але мужчына паспеў уцячы.
Міліцыя шукае мужчыну. Яго прыкметы: на выгляд 25-30 гадоў, рост 180-185 см, сярэдняга целаскладу, на твары была медыцынская павязка, на галаве — чорная кепка з казырком. Мужчына быў апрануты ў карычневую кароткую куртку, сінія джынсы, чорныя пантофлі.
Усіх, хто пазнаў гэтага чалавека, просяць звяртацца ў Партызанскі РУУС (г. Мінск, завулак Стаханаўскі, 5) або тэлефанаваць: 230-44-40, 230-34-34 ці на нумар 102.