Хто цяпер на вяршыні?

17 красавiка будуць абвешчаны пераможцы «Тэлевяршыні-2014». Сёлетні нацыянальны тэлевізійны конкурс ужо дзясяты па ліку, юбілейны. А гэта значыць, што цырымонія ўзнагароджання абяцае быць незвычайнай.

Пакуль сцэнарый трымаецца ў сакрэце, як і імёны вядучых. У прэс-службе канала АНТ, які сёлета арганізоўвае трансляцыю, паабяцалі, што будзе незабыўнае шоу. Дарэчы, убачыць яго тэлегледачы змогуць толькі праз два дні, 19 красавіка. Узнагароджанне будзе праводзіцца па 25 намінацыях.