Летапісец з глыбінкі
09.06.2011
—
Разное
Гісторыю адзінаццаці вёсак Камянецкага раёна ўзнавіў святар Васіль Туміловіч
Даследчык вывучаў архіўныя дадзеныя, навуковыя даследаванні гісторыкаў, запісваў успаміны мясцовых жыхароў. І напісаў гістарычны нарыс. Кніга выйшла ў адной з брэсцкіх друкарняў і хутка разышлася сярод прыхаджан цэркваў, у якіх служыць айцец Васіль. Гісторык па адукацыі, ён здолеў цікава і даступна апісаць падзеі, якія адбываліся ў тых месцах пачынаючы з XVIII стагоддзя.
Стварыць летапіс вёсак святару дапамагла і мясцовая ўлада. Як расказаў старшыня Навіцкага сельсавета Міхаіл Шабуня, айцу Васілю прадастаўляліся шматлікія дакументальныя матэрыялы. Цяпер, магчыма, унікальная кніга будзе перавыдадзена.
Трэба адзначыць, што летапіс — не першая праца Васіля Туміловіча, прысвечаная гісторыі Палесся. Ён напісаў ужо нямала гістарычных нарысаў пра Лунінецкі раён, адкуль родам. Прыехаўшы ў Камянецкі раён, заняўся і там вывучэннем народнай творчасці, выдаў кнігу “Фальклор Камянеччыны”.
Даследчык вывучаў архіўныя дадзеныя, навуковыя даследаванні гісторыкаў, запісваў успаміны мясцовых жыхароў. І напісаў гістарычны нарыс. Кніга выйшла ў адной з брэсцкіх друкарняў і хутка разышлася сярод прыхаджан цэркваў, у якіх служыць айцец Васіль. Гісторык па адукацыі, ён здолеў цікава і даступна апісаць падзеі, якія адбываліся ў тых месцах пачынаючы з XVIII стагоддзя.
Стварыць летапіс вёсак святару дапамагла і мясцовая ўлада. Як расказаў старшыня Навіцкага сельсавета Міхаіл Шабуня, айцу Васілю прадастаўляліся шматлікія дакументальныя матэрыялы. Цяпер, магчыма, унікальная кніга будзе перавыдадзена.
Трэба адзначыць, што летапіс — не першая праца Васіля Туміловіча, прысвечаная гісторыі Палесся. Ён напісаў ужо нямала гістарычных нарысаў пра Лунінецкі раён, адкуль родам. Прыехаўшы ў Камянецкі раён, заняўся і там вывучэннем народнай творчасці, выдаў кнігу “Фальклор Камянеччыны”.