21 снежня 2010 года, а
18-й гадзіне Дзяржаўны літаратурны музей Янкі Купалы, ААТ «Мінскводбуд» маюць гонар запрасіць на прэзентацыю календара «Маляўнічая Бацькаўшчына», прысвечанага
130-годдзю з дня нараджэння Янкі Купалы, якое Беларусь адзначыць у
2012-м годзе.
Кампанія «Мінскводбуд» у рамках выдавецкага праекта «Маляўнічая Бацькаўшчына» ладзіць ініцыятыўную акцыю, прысвечаную першаму нацыянальнаму паэту Янку Купалу, — чарговы выпуск фірменнага календара на 2011 г.
«Жаданне ініцыятараў, акцыянераў вытворча-будаўнічай галіны, наблізіць культурны скарб да сваёй аудыторыі — кожнага члена таварыства і працоўнага калектыву, шматлікіх кампаньёнаў дома і за мяжой, шырокага грамадства — бліскучы прыклад патрыятызму, дзейная старонка сённяшняй Беларусі дзеля Беларусі заўтрашняй, — зазначыў аўтар праекта Валер Дранчук. — Гэта не вяртанне ў Купалаву Беларусь, а крок ёй насустрач».
У календары прадстаўлены краявіды купалаўскіх мясцін, фотапартрэты паэта розных гадоў з фондаў Дзяржаўнага літаратурнага музея Янкі Купалы, тэксты знакавых вершаў Песняра на беларускай і англійскай мовах.
Гартаючы старонкі календара, хочацца сказаць: «Чытаць Купалу ніколі не позна!» Пад час прэзентацыі будзе праведзена арт-дзея «Чытаем Купалу разам» — творы паэта прагучаць як з вуснай вядомых пісьменнікаў, артыстаў Анатоля Бутэвіча, Людмілы Рублеўскай, Алеся Камоцкага, так і з вуснаў людзей, што спрычыніліся да выдання календара і ўсіх, хто прыйдзе ў гэты дзень у гасцінны Дом Купалы.