У Жодзіне выгадавалі гатунак ячменю «Бацька»
 |
| «Бацьку» вырошчваюць у РУП «Гродзенскі занальны інстытут раслінаводства НАН Беларусі» (Шчучынскі раён). Фота prosto-free.livejournal.com |
У жодзінскім Навукова-практычным цэнтры па земляробстве выгадавалі гатунак ячменю «Бацька». Гэта ранняспелы кармавы гатунак. Мае кароткі выраўнены сцебластой, валодае высокай прадуктыўнай кусцістасцю. Сярэдняя ураджайнасць 58,3 ц/га, максімальная — 103,4 ц/га. Устойлівы да палягання і ліставых хвароб. Уключаны ў Дзяржаўны рэестр для выкарыстання ў рэспубліцы з 2009 г.
Варта адзначыць, што ў спісе прадукцыі жодзінскага Навукова-практычны цэнтры па земляробстве сустракаецца нямала беларускіх назваў. Гэта гатункі азімай пшаніцы «Узлёт», азімага трыцікале «Міхась» і «Гонар», піваварнага ячменю «Гасцінец», «Сталы» і «Талер», кармавога ячменю «Гонар» і «Бурштын». Разам з «Бацькай» у рэестр трапілі гатункі кармавога ячменю «Ладны» і «Зубр».
Ёсць свой «Бацька» і ў нашых паўднёвых суседзяў. Украінскія селекцыянеры далі назву «Батько» гатунку азімай пшаніцы.
СП