У чацвер месцамі па Беларусі – да +37

У бліжэйшыя суткі, 22 ліпеня, у цэлым па Беларусі захаваецца пераменная воблачнасць, паведамілі ў Рэспубліканскім гідраметэацэнтры.

Месцамі, а ноччу па Брэсцкай і Гродзенскай абласцях на большай частцы пройдуць кароткачасовыя дажджы, у асобных раёнах чакаюцца моцныя дажджы. Прагрымяць навальніцы.

Вецер паўднёва-ўсходні, ад 4 да 9 метраў за секунду. Пры навальніцах парывы ветру ўзмоцняцца да 15–20 метраў за секунду. Тэмпература паветра ўначы складзе плюс 17–23 градусы.

Днём паветра прагрэецца да 30–34 градусаў, па паўднёвым усходзе — да 35–37 градусаў.