У Андруся Крэчкі забралі камп’ютэр

Супрацоўнікі міліцыі Ленінскага раёна Мінска забралі камп’ютэр у моладзёжнага актывіста Андруся Крэчкі пасля правядзення ператрусу на ягонай кватэры.

Міліцыянты паведамілі, што хлопца падазраюць ва ўзломе інтэрнет-сайта “Транспарт-лагістыка”.

Паводле слоў міліцыянтаў, намеснік дырэктара сайта паскардзіўся ў праваахоўныя органы, што ягоны сайт нехта ўзламаў, а тыя западозрылі ў гэтым злачынстве апазіцыйнага дзеяча Крэчку.

Камп’ютэр будзе знаходзіцца ў міліцыі падчас праверкі, але да якога часу – не вядома.

Андрусь Крэчка лічыць, што крымінальная справа – гэта толькі нагода, каб пацікавіцца інфармацыяй з яго камп’ютэра.