Сяржук Сокалаў-Воюш — пра вянок на Януковічу

Як ідэальна ўсё! Амаль ідыльна!
Прыйшоў Янук загіблых прывітаць.
Яшчэ жывы... а ўжо вянок магільны
Стараецца яго захамутаць.

Калі глядзець не павярхова,
Якая можа быць ахова?
Так на абразу у этэры
Адказ дае рука Бандэры.

Адбылося гэта ў часе візыту Дзьмітрыя Мядзьведзева ў Кіеў.

Залева бушавала, калі кіраўнікі дзяржаваў ускладалі вянкі да помніка невядомаму салдату ў Кіеве. У адзін з момантаў моцны парыў ветра скінуў адзін зь вянкоў на прэзыдэнта Украіны Віктара Януковіча.

Падбеглі ахоўнікі і дапамаглі вярнуць вянок на месца.

Сяржук Сокалаў-Воюш