Шукаюць відавочцаў дарожна-транспартнага здарэння ў Цюрлях

Сёлета 30 студзеня каля 19.40 на аўтадарозе Маладзечна – Валожын здарылася ДТЗ з удзелам аўтамабіля “Сітраен Ксанція”.

Кіроўца аўтамабіля, рухаючыся па вуліцы Маладзечанскай у вёсцы Цюрлі непадалёк ад канцавога прыпынку маршрутнага аўтобуса № 4, наехаў на пешахода, які пераходзіў праезжую частку па пешаходным пераходзе.

У выніку дарожнага здарэння пешаходу прычыненыя цяжкія цялесныя пашкоджанні.

Просьба да кіроўцаў і відавочцаў ДТЗ паведаміць ў ДАІ Маладзечанскага РАУС у кабінет 12 ці 18. Тэл. 74-53-40, 74-68-41 або па тэлефоне 102.