Ладны мінус

Парушэнне закона каштавала расіяніну больш як 5 тысяч долараў.

У сталіцу нашай рэспублікі з Украіны накіроўваўся па чыгунцы 36-гадовы жыхар Ленінградскай вобласці. Відаць, не з кагорты сацыяльна неабароненых: у яго багажы сярод рэчаў знаходзілася 15 700 долараў ЗША. Праўда, задэклараваць усю валюту, якая прыкметна перавышала дазволеную для ўвозу на тэрыторыю Мытнага саюза без афармлення, расіянін не схацеў. Славутае «а можа» абярнулася для маладога чалавека стрэсам і ладным мінусам у бюджэце. 5700 долараў, што перамяшчаліся без афармлення звыш дазволенай сумы, давялося беспаваротна пакінуць на мяжы.