Шукаюць відавочцаў аварыі, у якой загінула жанчына

Сёлета 25 кастрычніка каля апоўначы на 66 кіламетры трасы Мінск–Маладзечна–Нарач, паблізу вёскі Загорскае Маладзечанскага раёна здарылася аварыя. Загінула 35-гадовая жанчына.

ДТЗ адбылося на неасветленым участку дарогі. На загінулай не было святлоадбівальных элементаў.

Верагодна, на жанчыну наехаў грузавы аўтамабіль, кіроўца якога мог і не ведаць, што стаў віноўнікам здарэння.

Дзяржаўтаінспекцыя Мінскай вобласці прапрацоўвае ўсе версіі і звяртаецца да грамадзян па дапамогу.

Усіх, хто штосьці ведае пра здарэнне ці мае запісы на відэарэгістратары, просім патэлефанаваць па нумарах: (8-017) 229-06-14, 229-04-77  ці мабільным (8-029) 509-42-44.

Канфідэнцыяльнасць гарантаваная.

УДАІ УУС Мінаблвыканкама.

Фота old.autodealer.ru