Затрыманы генеральны дырэктар ЖКГ Мінскай вобласці

Сёння праваахоўныя органы зтрымалі кіраўніка Мінскай абласной ЖКГ. Яму - 33 гады.

Працягваючы працу па выяўленні карупцыйных злачынстваў у будаўніцтве , супрацоўнікі ГУБАЗіК МУС выявілі факты супрацьзаконнай дзейнасці ў сферы жыллёва -камунальнай гаспадаркі Міншчыны.

Дзесятым упраўленнем (па Мінскай вобласці) Галоўнага упраўлення па барацьбе  з арганізаванай злачыннасцю і карупцыяй (ГУБАЗіК) МУС праведзена праверка ў дачыненні да шэрагу службовых асоб ЖКГ Мінскай вобласці па захаванні законнасці пры засваенні бюджэтных грашовых сродкаў , што выдзяляюцца на правядзенне работ у рамках рэспубліканскай праграмы «Энэргазберажэнне» .

У ходзе праверкі ўстаноўлена , што генеральны дырэктар дзяржаўнага аб'яднання "Жыллёва -камунальная гаспадарка Мінскай вобласці" , 1980 г.н. , арганізаваў карупцыйную схему , з дапамогай якой выкрадаліся буйныя сумы бюджэтных сродкаў.

Дакладна вядома , што адначасова з працай на названай пасадзе мужчына фактычна кіраваў таварыствам з абмежаванай адказнасцю, заснавальнікам якога з'яўляецца яго родны брат. Прадпрыемства спецыялізуецца на замене цеплавых сетак і будаўніцтве кацельняў.

Таксама ўстаноўлена, што падазраваны, з'яўляючыся службовай асобай, злоўжываючы сваімі службовымі паўнамоцтвамі і з асабістай зацікаўленасці, даў указанне свайму падначаленаму выканаць у перыяд з чэрвеня па кастрычнік 2012 года на аб'екце «Капітальны рамонт цеплаізаляцыі сетак цеплазабеспячэння ў в Атраднае Любанскага раёна» будаўніча - мантажныя работы з завышэннем кошту фактычна выкананых работ, што пацягнула прычыненне дзяржаве ўрону ў асабліва буйным памеры на суму каля 700 млн. рублёў.

Па дадзеным факце УСК Рэспублікі Беларусь па Мінскай вобласці распачатая крымінальная справа па прыкметах складу злачынства, прадугледжанага ч. 3 арт. 424 Крымінальнага кодэкса «Злоўжыванне ўладай ці службовымі паўнамоцтвамі ».

Сёння, 19 верасня, чыноўніка затрымалі.

У ходзе праверкі высветлілася , што выкрадзеныя грошы здымаліся наяўнымі праз жонку, аформленую індывідуальным прадпрымальнікам.

Гэтая інфармацыя дазволіла «замарозіць» на падкантрольных рахунках 130 млн. рублёў.

Накладзены арышт на маёмасць у 3,5 млрд. рублёў, у тым ліку на дарагія аўтамабілі і нерухомасць. Дарэчы, фігурант жыве ў кватэры, якая належыць фірме брата.

Відавочна, што падобная злачынная дзейнасць не магла ажыццяўляцца без садзейнічання iншых службовых асоб .

Яшчэ ўчора, ў сераду 18 верасня, у Салігорску адбылася калегія ЖКГ Мінскай вобласці з удзелам службовых асоб Міністэрства жыллёва -камунальнай гаспадаркі па пытанні падрыхтоўкі да зімовага перыяду , дзе затрыманы выступаў адным з асноўных дакладчыкаў.

Паводле сайта www.mvd.gov.by