Астраўчанін абліўся бензінам і падпаліў сябе

Спроба самазабойства адбылася ў Астраўцы ў суботу, 10 жніўня, каля 18.30.

МНС выклікаў сусед, які заўважыў, што з кватэры побач ідзе дым. Калі прыехалі выратавальнікі, 33-гадовага мужчыну ўжо патушылі. Хто і як, пакуль высвятляецца.

У пацярпелага апёкі 40 працэнтаў цела. Ён знаходзіцца ў цяжкім стане ў рэанімацыі Астравецкай цэнтральнай раённай бальніцы.

Мужчына нідзе не працуе і, па словах суседзяў, злоўжывае алкаголем разам з бацькам і братам. Дарэчы, жывуць яны ўтраіх у адной кватэры, дзе і адбылося здарэнне.

Пра выпадак расказаў інспектар групы прапаганды і навучання Астравецкага райаддзела па надзвычайных сітуацыях Алег Шыць.

Настасся РОЎДА.

Фота ru.faktxeber.com