Так стараліся скрасці скутар, што выламалі руль

У суботу, 25 мая, у Маладзечне на стаянцы каля дома ў мужчыны скралі скутар.

Ішлі а чацвёртай гадзіне раніцы трое маладзёнаў. Вырашылі яны скрасці скутар, а ён – не заводзіцца. Тады хлопцы сталі яго штурхаць. Ды так штурхалі, што выламалі руль.

– Раніцай скутара на стаянцы ўжо не было і мужчына вырашыў звярнуцца ў міліцыю, – кажа старшы следчы Маладзечанскага аддзела Следчага камітэта Юры Багушэвіч.

Ужо на наступны дзень скутар знайшлі. Зладзеі нідзе не працуюць, да таго ж  адзін з маладзёнаў раней быў ўжо судзімы.

Вольга ЮРКЕВІЧ.

Фота chopper-bike.ru