На Валожыншчыне мужчына напаў з нажом на сабутэльніка

Выпадак адбыўся 10 мая каля 14.00 у вёсцы Пяршаі. Крымінальную справу ўзбудзілі ў панядзелак, 13 мая.

Мужчыны сустрэліся на кватэры ў падазраванага і разам выпівалі. Раптам 57-гадовы мужчына напаў на свайго госця і пырнуў нажом яму ў жывот.

Госць дабраўся да фельчара, які быў у вёсцы, і той выклікаў міліцыю.

Цяпер пацярпелы шпіталізаваны. Яго жыццю нічога не пагражае.

Начальнік следчага камітэта Валожынскага раёна Віталь Юрэвіч распавядзе падрабязнасці “Рэгіянальнай газеце” пазней.

Настасся РОЎДА.

Фота img.ntv.ru.