Мікрааўтобус трапіў пад фуру. Шасцёра пацярпелых

Аварыя здарылася ўчора, 11 лютага, каля 15.30 на трасе Мінск – Ашмяны – мяжа Літвы.

Як паведаміў начальнік аддзялення агітацыі і прапаганды ДАІ Гродна і Гродзенскай вобласці Яўген Дудко, мікрааўтобус з расійскімі нумарамі вёз з Літвы беларускіх дальнабойшчыкаў. Калі ён выязджаў з другараднай паласы на галоўную, не прапусціў фуру з мінскімі нумарамі і адбылося франтальнае сутыкненне. Да таго ж і асфальт быў мокры.

Цяпер чатыры пасажыры мікрааўтобуса з пераломамі шпіталізаваныя. Кіроўцу і яшчэ аднаму пасажыру аказаная медыцынская дапамога.

Настасся РОЎДА.