Снарады на палігоне

Пры правядзенні земляных работ на палігоне ў пасёлку Калодзішчы Мінскага раёна ўвечары быў знойдзены прадмет, падобны на снарад. Месца знаходкі ахоўвалася супрацоўнікамі міліцыі. Група размініравання ўстанавіла: тут "хаваліся" два 75-міліметровыя снарады з узрывальнікамі і 76-міліметровы бранябойны снарад часоў Вялікай Айчыннай вайны. Боепрыпасы былі знішчаны.

Сяргей РАСОЛЬКА.