І абуцца, і апрануцца

У Полацку супрацоўнікі ДАІ затрымалі аўтамашыну "Вольва" за рулём якой знаходзіўся жыхар гарадскога пасёлка Ветрына.

Ён перавозіў буйную партыю абутку без адпаведных дакументаў. Кантрабанду расійскай вытворчасці на агульную суму больш за 216,2 мільёна рублёў канфіскавалі. А ў вёсцы Урбаны Браслаўскага раёна супрацоўнікі міліцыі і памежнікі ў доме непрацуючай жанчыны знайшлі і канфіскавалі адзенне імпартнай вытворчасці, якое захоўвалася без адпаведных дакументаў. Адзенне ацанілі на суму 50 мільёнаў рублёў.

Аляксандр ПУКШАНСКІ.