У Маладзечанскім раёне абрабавалі 17-гадовую дзяўчыну

Мабільны тэлефон “Матарола С-116” і 11 тысяч рублёў сілай забраў невядомы злачынца ў 17-гадовай дзяўчыны вечарам 20 студзеня ў Красным каля магазіна на вуліцы Прывакзальная.

Па словах начальніка дзяжурнай часці райаддзела міліцыі Ігара Шупенкі, здарэнне адбылося каля паловы дзявятай гадзіны вечара. Агульная шкода, нанесеная пацярпелай, ацэньваецца ў 37 тысяч рублёў.

Злачынства раскрытае. Міліцыянеры па падазрэнні ў рабаванні затрымалі 18-гадовага жыхара Краснага. Падазроны змешчаны ў ізалятар часовага ўтрымання. Узбуджаная крымінальная справа.