У Нясвіжы з дзвярэй фарнага касцёла скралі драўлянае распяцце

Міліцыя раскрыла злачынства па гарачых слядах.

Праўда, само распяцце мясцовы жыхар паспеў ужо прадаць чарнаскураму мужчыну за вялікую бутэльку пладовага віна. Аднак міліцыянтам удалося знайсці і яго.

Па словах каталіцкага святара, прыхаджанам і касцёлу злодзей нанёс вялікую маральную і матэрыяльную шкоду. Цяпер распяцце накіруюць у Мінск на экспертызу. Зыходзячы з ацэнкі яго каштоўнасці, зламысніку вызначаць меру пакарання.