Схаваў валюту ў тайніку

Супрацоўнікі Віцебскай мытні затрымалі грамадзяніна нашай краіны, які ў аўтамабілі "Мерседэс-Бенц", перасякаючы мяжу, схаваў у тайніку звыш 18,2 тысячы долараў ЗША. Для правозу валюты тайнік, дарэчы, вырабіў спецыяльна. Пасля завяршэння ўсіх неабходных працэдур валюту канфіскавалі на карысць дзяржавы.

Аналагічна была канфіскавана і вялікая партыя цыгарэт агульным коштам, толькі па папярэдніх падліках, каля 84 мільёнаў рублёў. Гэтыя тытунёвыя вырабы кантрабандай спрабавалі перавезці ў Латвію ў чыгуначным грузавым вагоне.

Аляксандр ПУКШАНСКІ.