Жанчына ўпала ў каналізацыйны калодзеж

Жыхарка Асіповічаў сама паведаміла пра здарэнне а 2-й гадзіне ўначы 19 ліпеня. На месца прыбылі падраздзяленні МНС, хуткая медыцынская дапамога, міліцыя. Высветлілася, што на дне старога каналізацыйнага калодзежа глыбінёй 1,5 метра знаходзіцца 35-гадовая жанчына, палявод аднаго з мясцовых прадпрыемстваў. Можна сказаць, пашанцавала: калі жанчына выбралася з калодзежа пры дапамозе лесвіцы, ёй нават не спатрэбілася шпіталізацыя.