Ноччу на беразе ракі
У р. Мухавец каля в. Залуззе (Жабінкаўскі раён) 12 ліпеня знайшлі цела жанчыны з сечанай ранай на патыліцы.
Жанчына прапала раней, з 9 ліпеня яе ўжо шукала міліцыя.
Падчас следства было высветлена, што забітая жыла ў Кобрыне і працавала афіцыянткай. А забіў жанчыну бульдазерыст з в. Перкі (Кобрынскі раён). Ноччу пара сядзела на беразе ракі і выпівала, а калі ўспыхнула сварка, мужчына забіў жанчыну і скінуў у раку. 21-гадовага забойцу затрымалі, а яго ахвяра была на пяць гадоў старэйшая.
Тут мак, а там канопліПадчас правядзення прафілактычнай кампаніі "Мак" на прысядзібным участку пенсіянеркі з в. Хадоркі (Івацэвіцкі раён) знішчана 40 кг дзікага маку.
А ў Пінску на пустцы побач з аўтадромам па вул. Брэсцкай спалілі 120 кг дзікіх канопляў.У Столінскім раёне непадалёку ад в. Лядзец на палігоне бытавых адходаў знішчылі ўжо 578 кг канопляў.
Сымон Свістуновіч.