Пакурыў адзін дома

11 мая ўдзень загарэлася кватэра ў жылым доме на Дняпроўскім бульвары ў Магілёве. Гаспадар кватэры — 38-гадовы мужчына, які нідзе не працуе і жыве адзін. Супрацоўнікі МНС выратавалі яго, нягледзячы на агонь і шчыльнае задымленне, і перадалі медыкам, якія шпіталізавалі пацыента з атручэннем прадуктамі гарэння. У выніку пажару знішчана канапа і бялізна, закапціліся сцены. Мяркуемая прычына — неасцярожнасць пры курэнні.