"Акадэмікі" за 1000 долараў

Двое мінчан заплацілі махляру грошы, каб стаць студэнтамі Горацкай сельскагаспадарчай акадэміі.

Паводле звестак прэс-афіцэра Заводскага РУУС Тамары Рулінскай, сваю дапамогу ў паступленні прасцякам прапанаваў 36-гадовы жыхар Магілёва. А калі атрымаў "ганарар", то спачатку перастаў адказваць на тэлефонныя званкі... Што датычыцца яго "кліентаў", то яны так і не патрапілі ў спіс студэнтаў. Затрыманаму пагражае да 7 гадоў пазбаўлення волі.

Ігар ГРЫШЫН.