Бухгалтар выкрала 5 млн

40-гадовая жанчына патраціла "прыхватызаваныя" грошы на пагашэнне ўрону па ДТЗ з удзелам яе мужа.

Гэтай сумай прадпрымальная асоба разжылася, паводле вестак прэс-афіцэра Заводскага РУУС Тамары Рулінскай, за 3 месяцы ў сталічнай арганізацыі, дзе працавала. Схема крадзяжу была наступнай: электронныя спісы на зарплату, якія падаваліся банкам праз камп'ютарную сістэму, і іх копіі на папяровым носьбіце, якія зацвярджаліся кіраўніцтвам прадпрыемства, мелі адрозненні. Менавіта ў электронных спісах пастаянна прысутнічала прозвішча зламысніцы.