У Пінскім раёне ў калодзежы патануў мужчына

У Пінскім раёне ў калодзежы патануў 36-гадовы жыхар вёскі Клетная.

Як паведамілі ў следчым аддзеле пракуратуры Брэсцкай вобласці па Пінскім раёне, яго цела было знойдзена ў старым калодзежы на тэрыторыі закінутага дому ў вёсцы Клетная 19 ліпеня каля 14.00. Знайшоў мужчыну яго сваяк.

Як адзначылі ў следчым аддзеле, ён знік чатыры дні таму. Мужчына пайшоў з дому і не вярнуўся. Пошукам зніклага займаліся самі родныя, якія не звярталіся наконт гэтага ў міліцыю.

Прычыну смерці ўстановіць судова-медыцынская экспертыза.

Праверку і ўсе абставіны здарэння высвятляе следчы аддзел пракуратуры Брэсцкай вобласці па Пінскім раёне.