Да сваякоў перасяліліся пагарэльцы

з двухкватэрнага цаглянага дома ў вёсцы Ніжняя Олба Жлобінскага раёна. Маёмасці ў іх практычна не засталося ў выніку пажару, які пачаўся апоўначы. Калі прыехалі выратавальнікі, капітальны дом быў поўнасцю ахоплены полымем. Збудаванне, ад якога засталіся толькі сцены, патушылі за паўгадзіны. Пры выратоўванні сваёй маёмасці апёкі спіны і атручванне чадным газам атрымаў 40-гадовы сужыцель гаспадыні, які зараз знаходзіцца ў Жлобінскай бальніцы. Як адзначаюць у прэс-службе Гомельскага ўпраўлення па надзвычайных сітуацыях, мяркуецца, што прычынай пажару стаў падпал.