Распальваў печку... бензінам

Моцныя апёкі атрымаў жыхар Сенненскага раёна з вёскі Янава, які распальваў печ у доме бензінам.

Як паведаміла "Звяздзе" прэс-сакратар Віцебскага абласнога ўпраўлення па надзвычайных сітуацыях Марына Фандо, 50-гадовы мужчына атрымаў апёкі другой і трэцяй ступені, яго шпіталізавалі. Ахвяра ўласнай бяспечнасці працуе вартаўніком.

А ў вёсцы Махірава Полацкага раёна ў дачным доме садаводчага таварыства на пажары загінуў 38-гадовы дачнік. Мяркуецца, што ён неасцярожна курыў.