У Бабруйскім раёне ад удару маланкі загінулі два чалавекі

Пракуратура Бабруйскага раёна праводзіць праверку па факце гібелі ў вёсцы Рымоўцы двух мужчын.

Як паведаміла cтаршы памочнік пракурора Магілёўскай вобласці Ала Кузняцова, трупы 51‑гадовага жыхара вёскі Рымоўцы і 34‑гадовага жыхара вёскі Масты знайшоў 2 мая прыкладна а 15‑й у полі непадалёк ад свайго дома брат аднаго з загінулых.

Мяркуецца, што смерць наступіла ад удару разраду маланкі. На целах загінулых знойдзеныя сляды ад удару маланкі, адзенне абпаленае.

Вячаслаў Будкевіч, БелаПАН