Сапсавала ўласны юбiлей: сама на сябе заявiла

Злодзей залез да жыхаркi в. Раздзялавiчы Ганцавiцкага раёна i выкраў скрынку гарэлкi, 20 лiтраў самагону ды бензапiлу.

Жанчына рыхтавалася адсвяткаваць свой 50-гадовы юбiлей, але ўбачыўшы, што мерапрыемства зрываецца, заявiла ў мiлiцыю. Участковы знайшоў злодзея i ўкрадзены самагон. На мясцовага жыхара — аматара чужога, завялi крымiнальную справу, а юбiлярку за выгнаны самагон чакае штраф да 100 базавых велiчыняў.