Захацелася замяняльнiка...

Адразу чатырох жыхароў в. Даманава (Iвацэвiцкi раён) затрымалi аператыўнiкi.

У мiлiцыю звярнуўся намеснiк дырэктара СГА "Даманава" i заявiў, што нехта ноччу сарваў навясны замок i выкраў са склада фермы некалькi цэнтнераў замяняльнiка сухога малака "Бiкорм IН". Мiлiцыянеры вылiчылi зладзеяў хутка. Трое з затрыманых раней ужо асуджалiся за крадзеж.

Сымон Свiстуновiч.

За аленя трэба будзе заплацiць

Iх затрымалi ў в. Ятвязь Iвацэвiцкага раёна. Беспрацоўны з в. Альшэва Бярозаўскага раёна i яго напарнiк з г. Белаазёрска, якiя ўжо раней пабывалi на лаве падсудных, застрэлiлi ноччу самца еўрапейскага аленя.

Дзяржаве нанесены страты ў некалькi мiльёнаў рублёў.