З Летняга амфiтэатра скралi ўзмацняльнiк дэтэктара бяспекi

З тэрыторыi галоўнай сцэнiчнай пляцоўкi мiжнароднага фестывалю мастацтваў "Славянскi базар у Вiцебску" мiнулай ноччу скралi ўзмацняльнiк металiчнага дэтэктара, якi выкарыстоўваецца пры аглядзе гледачоў пры ўваходзе ў залу. Прыхапiлi i вогнетушыцель.

Агульная страта ацэньваецца ў 10,4 мiльёна рублёў. Мiлiцыянеры хутка знайшлi злодзея — iм быў 16-гадовы хлопец. Вядзецца расследаванне ўсiх абставiнаў. Скрадзенае вярнулi.