Ад 1 снежня праезд на гарадскіх аўтобусах падаражэе на 500 рублёў

Кошт на праезд вырасце ад 2200 да 2700 рублёў за адну паездку. Пра гэта распавяла намесніца генеральнага дырэктару па эканоміцы Мінаблаўтатрансу Ганна Русак.

Такім чынам, праезд у горадзе даражэе на 22 працэнты, а ў прыгарадзе – на 20 працэнтаў.

Разам з тым, зменіцца кошт і на праязныя. У населеных пунктах з насельніцтвам менш за 50 тысяч ён будзе каштаваць 103300 рублёў (Вілейка). У гарадах, дзе жыве ад 50 да 200 тысяч чалавек – 118500 рублёў (Маладзечна).

Яшчэ праязныя можна набыць па старым кошце

– Афіцыйнага рашэння па павышэнні коштаў у нас пакуль няма, – кажа дырэктар Маладзечанскага аўтапарка Яўстафій Каравай. – Таму і праязныя пакуль прадаём па старой цане.

Настасся РОЎДА.

Фота Наталлі ТУР.