Пружанскія верталёты-кукурузнікі будуць вазіць турыстаў

Нядаўна ТАА "Пружаны Авіяхімсэрвіс" набыло яшчэ адзін верталёт. Такім чынам, як зазначае дырэктар таварыства А.А.Кананкоў, магчымасці прадпрыемства значна павялічацца.

Асноўны ўпор, як расказаў Алег Анатольевіч, робіцца на аказанне паслуг сельгаспрадпрыемствам. Але побач з гэтым таварыства развівае і турыстычны сэрвіс. Распрацаваны два маршруты. Сезон адкрыецца з 15 красавіка, і жадаючыя змогуць паглядзець з вышыні птушынага палёту на Мірскі, Нясвіжскі, Косаўскі і Ружанскі палацы.

Пакуль для паслуг турыстаў выкарыстоўваюцца тры дэльталёты, але напрыканцы ліпеня, пасля заканчэння актыўнай фазы аграхімічных работ, да іх далучацца і верталёты.