«Сёння будзе зруйнаваная манаполія Расеі»

Сёння адбудзецца першае пробнае перапампоўванне нафты для Беларусі праз нафтаправод Адэса-Броды. Плануецца перагнаць 80 тысяч тон сыравіны, аб"ём аднаго танкера.

Энергетык Станіслаў Гусак вітае гэты факт: «Гэта мяняе ўсю сітуацыю на рынку Міжмор’я, дзяржаваў Балта-Чарнаморскага рэгіёну ў тым сэнсе, што сёння будзе зруйнаваная манаполія Расеі». І дадае: «Факт, што Беларусь першая скарыстала гэтую транснацыянальную інжынерную канструкцыю, якая называецца «Адэса-Броды». Калі існуе рынак на паліва, гэта заўжды выгадна, таму што гэта заўжды незалежнасць. Я думаю, што Расеі трэба будзе, як кажуць, паджаць хвост, бо скончылася манаполька. І дзяржавы змогуць выбіраць паліва там, дзе няма дыктату».