Іран інвестуе у Беларусь 250 млн еўра

Іранскія кампаніі пабудуюць у Мінску гандлёвы комплекс, паведамляе іранскае англамоўнае выданне «Тэгеран таймс». Кошт праекту ацэньваецца на 250 мільёнаў еўра на працягу трох год.

На сённяшні дзень іранскія інвестары ў Беларусі працуюць над праектамі агульнай вартасцю каля паўтара мільярда даляраў, цытуе газета амбасадара Ірана ў Мінску Абдалу Хасэйні.

Чакаецца, што аб’ём гандлю паміж дзвюма краінамі дасягне да канца году 90 мільёнаў даляраў.