Гандлёвы дэфіцыт Літвы ў жніўні 2010 скараціўся на 49,8%

У жніўні 2010 Літва экспартавала тавараў на 1,4 млрд еўра і імпартавала на 1,5 млрд еўра. У цэлым гандлёвы дэфіцыт у гадавым вылічэнні скараціўся на 49,8%, паведамляе Дэпартамент статыстыкі рэспублікі.

За год экспарт з Літвы павялічыўся на 43,4%, імпарт — 29,2%. Без уліку мінеральных прадуктаў рост экспарту склаў 41,2%, імпарту — 35,7%; экспарт тавараў літоўскага паходжання павялічыўся на 39,9%, без уліку мінеральных прадуктаў — на 35,8%.

Найважнейшымі партнёрамі Літвы ў галіне экспарту ў студзені-жніўні гэтага года былі Расія, на долю якой прыпадала 14,8% усяго экспарту, Германія (10,3%), Латвія (9,5%) і Польшча (7,5%). Найважнейшымі партнёрамі Літвы ў галіне імпарту былі Расія (33%), Германія (11,2%), Польшча (8,9%) і Латвія (5,9%).