ЖКГ зноў падаражэе пасля ацяпляльнага сезона

Камунальнікі паабяцалі бліжэйшым часам падняць тарыфы на жыллёва-камунальныя паслугі.

Падвышэнне тарыфаў на паслугі ЖКГ чакае беларусаў пасля заканчэння ацяпляльнага сезона. Прадстаўнікі камунальных службаў планавалі перагледзець тарыфы на некаторыя свае паслугі яшчэ ў канцы 2009 года, але дагэтуль не існуе адпаведнага рашэння па дадзеным пытанні.

Прадстаўнікі міністэрства па жыллёвай і камунальнай гаспадарцы падкрэслілі, што затрымка ў змене цэн звязана з тым, што прыняцце тарыфаў залежыць не толькі ад камунальнага ведамства, пад увагу прымаюцца ўзровень зарплат, пенсій і нават умовы надвор'я.

У сувязі з тым, што даволі халодная зіма і так павялічыла сумы ў жыроўках за снежань і студзень, падвышэнне тарыфаў адклалі да заканчэння ацяпляльнага сезона. Як правіла, батарэі ў Беларусі адключаюць бліжэй да сярэдзіны красавіка.

Спецыялісты на дадзены момант не могуць адказаць, на якую суму ў выніку падаражэюць жыроўкі.

Нагадаем, што з-за маразоў, якія рэзка ўдарылі ў першы месяц зімы, снежаньскія «жыроўкі» і без падвышэння тарыфаў пацяжэлі ў сярэднім на 10-15% у параўнанні з лістападам. А за ацяпленне і падагрэў вады ў студзені насельніцтву давялося заплаціць амаль у паўтара разы больш за снежань, а ў параўнанні з лістападам - больш у 2-3 разы.