Тэст па «мове варожасцi» - цi зможаце вы нікога не пакрыўдзіць?

Інклюзіўнасць — на жаль, пакуль яшчэ не самае звыклае для беларусаў паняцце. Пры сустрэчы з чалавекам, у якога ёсць інваліднасць, у новай кампаніі ці проста ў горадзе, многія губляюцца. Ці можна прамаўляць слова «інваліднасць» у прысутнасці новага знаёмага на вазку? Як не варта называць людзей з ментальнымі асаблівасцямі? 

1 лютага ў Магiлеве адбудзецца крэатон для школьнiкаў у рамках маштабнага праекта «Першыя» кампаніі А1 на тэму інклюзіi. Напярэдадні гэтага мерапрыемства мы зрабiлi тэст i прапануем вам праверыць, ці можаце вы размаўляць з людзьмі так, каб нікога не пакрыўдзіць.

Партнер праекта:

«Першыя» – гэта рэспубліканскі конкурс ідэй для вучняў 9-х, 10-х і 11-х класаў. Праект рэалізуецца кампаніяй А1 пры падтрымцы арганізатараў канферэнцый TEDxMinsk. Збор заявак працягваецца да 8 сакавіка.