У Смаргонскую гарадскую бібліятэку №3 на гадзіну роднай мовы былі запрошаны вучні ДУА “Сярэдняя школа №3 г. Смаргоні”

Прысутныя праслухалі гісторыю ўзнікнення гэтага дня, вершы беларускіх пісьменнікаў аб роднай мове: Ю. Свіркі, Н. Гілевіча, Р. Барадуліна і іншыя.

Вучні паказалі свае веды і эрудыцыю ў інтэрактыўнай гульні “Знаўцы беларускай мовы”. Было прапанавана адказаць па шэсць пытанняў у пяці раздзелах: “Гэта цікава”, “Загадкі”, “Рэбусы”, “Метаграмы”, “Шарады”. Лепшыя знаўцы беларускай мовы атрымалі ў падарунак ад бібліятэкі кніжныя закладкі з напамінам аб Міжнародным дню роднай мовы.

Біблятэкар правяла агляд літаратуры па выставе кніг з аднайменнай назвай. Вучні зачыталі выказванні аб роднай мове: П. Панчанкі, В. Быкава, Я Коласа, М. Багдановіча, Я. Сіпакова.

Ірына ВІСЦЯЖ, загадчык філіяла “Гарадская бібліятэка №3”.

Фота аўтара.