"Папулярная навука па-беларску" цяпер і пра электрычнасць. Прыходзьце ў сераду

З 17 лютага пачнуцца лекцыі з непростых, але ад таго не менш цікавых радзелаўу фізікі «Электрычнасць і магнетызм».

Пра што пойдзе гаворка? Адпачыўшы пасля вакацый сустрэча пачнецца з уводзін у названую тэму. У першую чаргу будзе прапанавана ўзгадаць пра канцэпцыю блізкадзеяння і паняцце фізічнага поля, элеметарны зарад, яго уласцівасці ды велічыні, якія характарызуюць магнітнае ды электрычнае поле. Абавязкова будзе тлумачыцца і закон захавання электрычнага зараду. А нешта нават будзе і прадэманстравана.

Як звычайна усіх чакаюць займальныя пытанні, не менш займальныя адказы і, канешне, улюбёныя яблыкі. Запрашаем ў сераду 17 лютага ў Галерэю TUT. BY (пр. Дзяржынскага, 57, 9 паверх, побач са ст.м. Міхалова). Веды побач, а уваход вольны.