«Усе дзеці таленавітыя»

Паколькі дэвіз канала «Мы выбіраем вечныя каштоўнасці», а адна з галоўных — сям’я, то менавіта гэты дзень і быў абраны для фінала. Слухачы пазнаёмяцца з творчасцю выхаванцаў грамадскай арганізацыі «Беларускі фонд SOS — дзіцячая вёска». А вялікая студыя Дома радыё ператворыцца ў канцэртную пляцоўку.

«На працягу дзесяці тыдняў слухачы канала «Культура» знаёміліся з асобна ўзятай сям’ёй, дзе гадуюцца дзеці з няпростым лёсам, апантаныя творчасцю. Кожная SOS-сям’я рыхтавала творчы нумар і работы для выставы. Мы спадзяёмся, што ў фінальным канцэрце дзеці заявяць пра сябе і творча рэалізуюцца нараўне з аднагодкамі», — паведаміла аўтар праекта, кіраўнік творчай групы радыёпраграмы «Мэры Попінс» Таццяна Гулевіч. Эфірную версію канцэрта можна будзе паслухаць на канале «Культура» Беларускага радыё 30 мая.

Вера ГНІЛАЗУБ, «СГ»