У Мядзеле адкрываецца выстава маладзечанскай мастачкі

Праца Ядвігі Сянько. Фота yadviga.belhost.by

У пятніцу, 4 красавіка, у Мядзельскім музеі народнай славы адкрываецца выстава “Святло душы”.

На ёй прадстаўлены 37 абразоў, якія напісала маладзечанская мастачка Ядвіга Сянько.

Адкрыццё выставы – у 15 гадзін. У ім прымуць удзел Ядвіга Сянько, праваслаўны і каталіцкі святары.  Будуць гучаць духоўныя спевы ў выкананні хораў з мядзельскіх храмаў, паведаміла дырэктар музея Святлана Чарняўская.